Bibelske salmar til gudstenestebruk. Nynorsk.
Føreord
I «Framlegg til Ny ordning for hovudgudsteneste i Den Norske Kyrkja» vert det opna for
bruk av bibelsk salme / poetisk bibeltekst i form av «Salme for dagen» Dette dreier seg i
all hovudsak om kortare utsnitt frå Salmane, i nokre tilfelle også tekstar frå profeten Jesaja,
Evangeliet etter Lukas og Paulus 2. brev til Timoteus. I tillegg kjem nokre gjendiktingar
avbibeltekstar, som er nytta tidlegare i liturgiske songar (NoS og Salmer 1997). Dette
tekstutvalet omfattar både kyrkjeårstider og spesielle dagar. Alle salmane i denne samlinga har
desse tekstane som utgangspunkt.
Generelt om salmane, oppbygging, framføring o.l.
Felles for salmane i heftet er omkvedet, som er meint å verta sunge av heile kyrkjelyden.
Dette vert først sunge av koret, helst a capella, deretter av kyrkjelyd og kor, med tonefølgje av
orgel. Omkvedet vert teke opp att etter kvart vers (heretter kalla «salmodi»). Diskantstemma
(i omkvede som i salmodi) kan utførast både vokalt og instrumentalt. Har ein ikkje kor,
kan liturgen eller ein føresongar presentera omkvedet og syngja salmodiane. Det er viktig at
kyrkjelyden har både tekst og notar til omkvedet, fordi dette aukar sjansen for kyrkjelyden sin
medverknad monaleg.
Salmodiane kan utførast både unisont med orgel og fleirstemt a capella (orgel ad lib.). I
situasjonar der ein korkje har fleirstemmig kor eller orgel (t.d. i mindre kapell, husfellesskap,
leirsamanheng) kan òg salmane i sin heilskap verta framført unisont a capella. I slike mindre
samanhengar kan ein gjerne også prøva å få alle med både på salmodi og omkvede.
Om tonespråk m.a.
Ved val av tonespråk har målet heile tida vore å finna fram til taktartar og musikalske vendingar
som er gode å syngja og som er eigna til å bera fram tekstane på ein truverdig måte. Det er med
stor glede og forventning eg no presenterer desse salmane, med von om at dei vil verta flittig
brukte; framførde til Guds ære og til glede og oppbygging for kyrkjelydane.
Tysse, november 2008
Eilert Tøsse
Innhald:
Kom, lat oss bøya oss og tilbe Kristi openberringssundag s. 4
Med fagnad skal de ause vatten 2. sundag i openberringstida s. 6
Hjå deg 3. sundag i openberringstida s. 7
Eit nyskapt folk 4. sundag i openberringstida s.8
Gjev Herren den ære 5. sundag i openberringstida s. 9
Eg er glad 6. sundag i openberringstida s. 11
Gjev Herren må senda s miskunn 7. sundag i openberringstida s. 12
Vend deg til meg Såmannssundag s. 14
God og rettvis er Herren Vingardssundag s. 15