Til bruk i samband med pinsefeiring, kyrkjejubileer, kyrkjefester eller andre høve. Tekstar, dramatiseringar og regi av Anne-Ruth Jangaard. Musikk av Øystein Wang og Dag Eivind Holhjem.
PÅ FØREHAND
Ein kan framføre musikalen i kyrkjerom, på scene i eigna lokale eller utandørs. For å gjere det enkelt
refererer manuskriptet berre til "scena". Bruk av rekvisittar må ein tilpasse stad og høve. Oversikta
nedanfor er meint som ei huskeliste og sjekkliste i samband med framføringa.
Orkesteret er plassert på den eine sida av scena.
? Mikrofonar til dei som skal framføre dialogar og replikkar.
? Fleire krukker framme på scenekanten som barna kan setje frå seg 17.mai-flagg og blomar i.
? Ein stor jordklode (til dømes av typen kjempestor badeball) heng over scena på ei av sidene,
så høgt oppe at ingen stangar i han.
? Ein døypefont, ev. med dåpsmugge til, står på den eine sida av scena.
? Eit stort, kvitt ljos i stake på golvet nær døypefonten. Ei fyrstikkeske må liggje klar. Tips: Om
ljoset ikkje har vore tent før: Tenn det før konserten og la det brenne litt, sløkk det igjen. Då er
det mykje lettare å tenne sidan.
? Avhengig av høve: Eit stort norsk flagg på ein fot på den eine sida av scena. Ev. også andre
nasjonsflagg og/eller flagg for kyrkja/bispedømmet.
? Busker/greiner eller stativ med lange armar til å hengje papirduer i.
? Mange kvite papirduer. Dei fleste kan ein hengje opp på førehand. Papirduene kan ein til
dømes lage slik: Klipp ut duekroppen i kvit kartong og lag ei spalte i ryggen til vengene. Brett
kvitt silkepapir, eller ein serviett, i "trekkspelbretting". Træ dette gjennom spalta. Fald ut
vengene. Samle dei øvst og træ i ein tråd. Lag ein knute slik at vengene blir haldne saman og slå
ein knute til på trådendane slik at det blir ei løkke til oppheng. Vengene kan ein ev. lage enklare,
klipt ut av kvitt papir utan trekkspelbretting.
? Utstyr til dei tre scenebileta under Eit tårn blei bygd mot himmelen.
Pappesker som byggeklossar, ein stol og ei krubbe.